“قرفنا بقا لو متربيين بجنيه مش هتعملوا كده” .. إبراهيم فايق ينفجر في هؤلاء!!

فتح الإعلامي إبراهيم فايق النار على جمهور الاهلي وذلك بعد واقعه سبهم لشيكابالا ووالدته في مباراه فاركو الأخيره في الدوري.

وقال فايق في تصريحات تلفزيونية عبر برنامج جمهور التالته:”لو في بني ادم اتربى بجنيه مستحيل يقبل او يتفق مع اللي حصل من سباب لشيكابالا ووالدته” .

وواصل :”العقوبات بمنع ٣ الاف مشجع مقبوله جدا ومستحقه جدا ، واكيد جمهور الاهلي اللي بجد متفق على كده “.

وشدد :”ولكن ازاي احنا وصلنا ان احنا نستبيح الاعراض كده ؟ لعيب مش خصمك.في المباراه تشتمه ليه ؟ وكمان تشتمه بوالدته ، الكوارث الاخلاقيه دي لازم تنتهي ، الكوره جمالها بتشجيعها في المدرجات بالادب والاخلاق “.

وتابع :”لما الجمهور بيزوم يزوم على لاعب فالملعب مثلا ومن غير غلط ، لكن دلوقت بنستبيح الاعراض ولاعب كمان مش فالملعب كمان” .

وأضاف :”البعض قال ان دول مندسين ومنهم اعلاميين من قناه الأهلي ، طيب يا سيدي انبذوهم من المدرجات سهله” .

وأتم :”لا ديننا بيقول كده ولا في دين في الدنيا بيقول ان احنا نعتدي على حرمات بيوتنا واعراضنا ، الكوره مش كده خالص ، بأمانه الله قرفنا ، عاوزين نمشي كويس بقا” .