بسبب شيكابالا.. حسين لبيب يفتح النار على وسائل الإعلام ورسالة هامة بشأن الزمالك

فتح الكابتن حسين لبيب رئيس نادي الزمالك النار على بعض وسائل الإعلام التي تسعى لعرقلة مسيرة القلعة البيضاء، مشيرًا إلي أن الإعلام له دور كبير في مساعدة نادي الزمالك في الفترة الحالية.

وأضاف “لبيب” في تصريحات إذاعية لبرنامج ” الكورة في الـ 90″ على راديو “9090” تقديم الإعلامي إبراهيم عبد الجواد :” الإٌعلام ليه دور كبير جدًا إنه يساعد نادي الزمالك في الخروج من هذه الكبوة”.

وأشار :” فوجئت بأحد الإعلاميين معرفش اسمه عامل إحصائية عن نتائج الزمالك لما الكابتن شيكابالا يلعب أو ميلعبش.. ليه .. و ايه المقصود بيها وايه اللى عايز توضحه للناس !!”

وتابع :” ايه الغرض من الجملة لما نقول نتائج الزمالك في حال غياب شيكابالا أو مشاركته مع الفريق، إيه اللي يخلى واحد يعمل إحصائية زي دي واعتقد إن ملهاش أي معنى في الوجود إلا إنه عايز يكسر في فريق الزمالك لأنه حاسس إن الزمالك ماشي على الطريق الصحيح”.

وأكد ” لبيب” :” شيكابالا كابتن تاريخي لنادي الزمالك وقدوة للاعبين كلهم، وهو إنسان على خلق وعانى الأمرين، وهو بني آدم مصري صميم زملكاوي وكسب الفريق كتير، أقوم اعمله إحصائية لوحده .. مشفنهاش دي على أي لاعب آخر.. واشمعنى كابتن شيكابالا وفي هذا التوقيت”.

ووجه ” لبيب” رسالة لوسائل الإعلام :” اللى بقوله للإعلاميين أرجو من كل واحد مش يتناسى هو بيشجع مين بس يكون حريص في الكلام اللى بيقوله لأن كلامه بيضر ناس كتير”.

وأختتم ” لبيب” :” لا بد أن يكون هناك وقفة جامدة للكلام اللى بيقال وكل واحد يعى تمامًا هو بيقول إيه وهل الكلام ده هيأثر بالسلب ولا بالإيجاب”.